«Атыраудың» жолдастық кездесуі тікелей эфирде көрсетіледі

6 ақпан күні «Атырау» даниялық «Кеге» командасымен Түркияда жолдастық кездесу өткізеді, деп хабарлайды Sport Plus Qazaqstan.

Қос клуб арасында қарым-қатынас бұрыннан қалыптасқан. Мұнайлы астананың голкипері Дулат Талысбаевтың Данияға трансфері де жанкүйердің жадында. «Атырауда» бір жыл өткізген Эффионга Нсунгуси тағы бар. Аталмыш командалар өткен маусымға дайындық барысында да жолдастық кездесу өткізген еді. 2023 жылғы ойында даниялықтар 3:0 есебімен жеңіске жеткен.

Никлас Педерсен шәкірттері қысқы демалыс алдында Данияның Бірінші дивизионында 10-орында болған. Команданың үздік бомбардирі британиялық Джибрил Адидеджи (6 гол).

«Атырау» 2024 алғашқы оқу-жаттығу жиынында бірқатар матч өткізді. Оның ішінде македониялық «Бреданы» жеңіп, «Зенитпен» тең түсті, ал «Ротор» (1:4), «Лодзь» (0:1) және «Висла» (0:2) командаларына есе жіберді.

Матч Астана уақытымен сағат 19:00де басталады. Тікелей көрсетілім Sport Plus Qazaqstan телеарнасының эфирінде және Sport Plus Qazaqstan Youtube арнасында.