Астанада ұлттық ат спорты фестивалінің ашылу салтанаты өтті

Бүгін «Қазанат» атшабарында Республика күні және ҚР мәслихаттарының құрылғанына 30 жыл толуына орай Ұлттық ат спорты фестивалі аясында бәйге мен көкпардан жеңімпаздар анықталды, деп хабарлайды Sport Plus Qazaqstan.

11 қазан күні көкпармен басталған жарыста Солтүстік өңірден жиналған 7 команда топтық кезең арқылы жартылай финалдың жолдамасын сарапқа салды.

Ал бүгінгі турнирдің қорытындысы бойынша, Қостанай облысы финалда Астана қаласын жеңіп, чемпион атанса, Қарағанды қаласының спортшылары Қарағанды облысынан басым түсіп, қола жүлдеге ие болды.