Андрей Карпович: Командада ерекше сұрмергеніміз жоқ

«Елімайдың» бас бапкері Андрей Карпович оның командасында сұрмерген жоқтығы туралы айтты, деп хабарлайды Sport Plus Qazaqstan.

- Иә, ерекше сұрмергеніміз жоқ. Бұны мойындаймын. Шабуыл шебіндегі ойыншылардың барлығы шамамен бірдей гол соқты. Бұл біздің белгілі бір футболшыға басымдық бермейтінімізді көрсетеді. Бастысы командалық ойын. Әр футболшыда кездесу барысында өз мүмкіндіктері туындайды. Нәтиже бірде болады, бірде болмайды. Сондықтан көңілім толмайды деп айтпаймын. Не маңызды? Клубтың жеңісі. Егер клуб жеңсе, біз дұрыс істеп жатырмыз деп ойлаймын. Кімнің соққаны маңызды емес. Тіпті қорғаушылар да соға берсін. Бұл да бір стратегия, қабілет және т.б. Шабуыл шебіндегі ойыншылардың статистикасы қатты алаңдатпайды. Бастысы команданың жеңгені керек. Әр ойыншы көмектесіп, командаға жұмыс істеуі керек.