Әйелдер құрамасының көшбасшысы Римма Волосенко Қазақстан чемпионы атағын жеңіп алды
Астаналық боксшы Римма Волосенко Қарағандыда өткен ұлттық біріншілікте Қазақстан чемпионы атанды, деп хабарлайды Sport+.
60 келіге дейінгі салмақ дәрежесіндегі финалда Волосенко Жетісу облысының атынан шыққан Анар Тұрсынбекті 5:0 есебімен жеңді.
Римма Волосенко — 2019 жылғы Азия чемпионы және Қазақстан әйелдер құрамасының үздік спортшыларының бірі. Жартылай финалда ол астаналық қарсыласы Гаусар Жаку техникалық нокаутпен жеңді.
