Жұмабеков жұдырықтасу лигасының чемпионымен жекпе-жек өткізеді

27 желтоқсанда Алматыда өтетін кәсіпқой бокс кешінде Жұман «Арлан» Жұмабеков ресейлік Искандар «Шеф-Повар» Зияевпен жекпе-жекке шығады, деп хабарлайды Sport Plus Qazaqstan.

Искандар — «Top Dog» жұдырықтасу лигасының бұрынғы чемпионы. Кәсіпқой бокста Зияев үш жекпе-жек өткізіп, барлығында мерзімінен бұрын жеңіске жеткен.

Жұмабеков — Қазақстанның «Nomad» жұдырықтасу лигасының экс-чемпионы. Жұман кәсіпқой рингте үш рет өнер көрсетіп, екі жеңіске жетіп, бір рет төрешілер шешімімен жеңіліске ұшыраған.