«Жирона» шабуылшысы XXI ғасырда Чемпиондар Лигасында ең жасы үлкен дебютант атанды
Парижде УЕФА Чемпиондар Лигасының топтық кезеңінің 1-турындағы матч өтті, онда ПСЖ «Жирона» клубын 1:0 есебімен жеңді, деп хабарлайды Sport Plus Qazaqstan.
Испандық клубтың бастапқы құрамында 37 жастағы шабуылшы Кристиан Стуани алаңға шықты. Уругвайлық ойыншы алаңға шыға отырып, XXI ғасырда Чемпиондар Лигасында ең жасы үлкен дебютант атанған алаңдағы ойыншы болды.
Opta Sports мәліметінше, Чемпиондар Лигасында тек 1997 жылы «Олимпиакос» сапында 40 жасында Тасос Митропулос дебют жасаған болатын. Ал XXI ғасырда уругвайлық ойыншыдан жасы үлкен дебютанттар болмаған.
37 жастағы Стуани 2017 жылдың жазында «Мидлсбро» клубынан «Жиронаға» ауысты. Трансфер сомасы € 2,5 млн болды. Биылғы маусымда уругвайлық төрт матчқа қатысып, екі голдың авторы атанды.
