Жібек Құламбаева Польшадағы турнирді жеңіспен бастады
Қазақстандық теннисші Жібек Құламбаева Польшадағы Бытом қаласында өтіп жатқан турнирде алғашқы матчын өткізді, деп хабарлайды Sport Plus Qazaqstan.
Қазақстандық спортшы словакиялық теннисші Катарина Стреснаковамен кездесіп, үш сетте жеңіске жетті: 6:3, 1:6, 6:3. Ойын екі сағат 31 минутқа созылып, 1/16 финал кезеңінде өтті.
Айта кетейік, 23 жастағы қазақстандық теннисші қазіргі уақытта WTA (Әйелдер теннис қауымдастығы) әлемдік рейтингінде жеке разрядта 427-ші орында, ал Стреснакова 642-ші орында орналасқан.
