Жасөспірім теннисшілер Аустралия ашық біріншілігіндегі қарсыластарын білді

Жасөспірімдер арасында Аустралия ашық чемпионатының жеребесі тартылды, деп хабарлайды Sport+ Kazinform сайтына сілтеме жасай отырып.

Жасөспірімдер арасында әлемнің 4-ракеткасы Әмір Омарханов ертең америкалық Матисс Фарзаммен (45 ITF) ойнайды.

Жасөспірімдер арасында ITF рейтингісінде 39-сатыдағы Заңғар Нұрланұлының алғашқы қарсыласы – аустралиялық Николас Бейкер (306 ITF).

Ә.Омарханов өткен жылы Аустралия біріншілігінде жекелей сында ширек финалға жеткен болатын. Ал З.Нұрланұлы «Үлкен дулыға» турнирінде алғаш рет бақ сынамақшы.

Жасөспірімдер арасындағы жарыс 18-25 қаңтар аралығында өтеді.