Жаслан Жұмашев: Бұл біз үшін тәжірибе болады

Қостанайлық «Тобылдың» түлегі, жартылай қорғаушы Жаслан Жұмашев Sport Plus Qazaqstan сайтына Еуропа лигасы аясында словакиялық «Ружомберок» командасына қарсы өткен матчты қорытындылады:

- «Ружомберок» – жақсы команда, стандарттарда жақсы жұмыс істейді. Бүгін біз жақсы ойнадық деп ойлаймын, бірақ көптеген мүмкіндіктерді жүзеге асыра алмадық. Бұл біз үшін тәжірибе болады. Алда Конференциялар лигасы бар, онда біз міндетті түрде келесі кезеңге өтуіміз керек.

- «Тобыл» бүгін көп мүмкіндіктерді жіберіп алды...

- Бізге гол соғу жағын жақсарту керек, сонда бәрі жақсы болады. Еуропа Лигасында мүмкіндіктерге ұқыпты қарау қажет. Алда «Санкт-Галлен» күтіп тұр, олар «Ружомбероктан» кем түспейді деп ойлаймын, дайындалып, талдап, тек жеңіске ойнаймыз.