Нұрғайни Бөрібаев: Бүгін негізгі уақытта есепті теңестіріп, қосымша уақытта әрі қарай өтеміз деп ойлаймын
«Тобылдың» жартылай қорғаушысы Нұрғайни Бөрібаев Sport Plus Qazaqstan телеарнасына берген сұхбатында «Ружомберокпен» қарымта ойын туралы пікір бөлісті.
«Қарымта ойынға жақсы дайындалдық. Бүгінгі ойында жеңіске жетуге тырысамыз. Бұл жеңістің маңыздылығы тек Қостанай үшін жоғары емес, бүкіл Қазақстан үшін маңызды. Командағы сенемін. Бүгін негізгі уақытта есепті теңестіріп, қосымша уақытта әрі қарай өтеміз деп ойлаймын. Бірінші кездесуде ойын жағынан біз жақсы болдық, бірақ бұрыштамаларда қарсыластарды жоғалтып алдық. Бұл иә болмаса шаршағандықтың кесірі, иә болмаса концентрацияның болмауы. Нақты айту қиын», - деді Бөрібаев.
