Жапония құрамасының бұрынғы бапкері Қазақстанның семсерлесу құрамасына қосылды
Қазақстанның семсерлесу құрамасына украиналық жаттықтырушы-консультант Александр Горбачук қосылды, деп хабарлайды Sport Plus Qazaqstan.
Александр Владимирович соңғы 15 жыл бойы Жапонияның семсерлесу құрамасын жаттықтырып, әлемге әйгілі жетістіктерге жеткен.
«Біз Александр Владимировичтің тәжірибесі мен кәсібилігі Қазақстан құрамасының жаңа биіктерге жетуіне көмектесетініне сенімдіміз. Құрама жетістіктері өсіп келе жатқан ұрпақты да шабыттандырып, біздің спортшыларымыздың жетістіктерін көріп, жоғары нәтижелерге ұмтылуға ынталандырады. Жас спортшылар үшін Александр Владимировичтің Қазақстанға келуі үлкен ынталандыру, өйткені ол көптеген жастар үшін үлгі тұтар тұлға», — деп хабарлады Қазақстан семсерлесу федерациясы.
