Зайнутдинов «Бешікташқа» чемпионаттың жоғарғы үштігіне шығуға көмектесті

«Бешікташ» өз алаңында «Трабзонспорды» 2:0 есебімен жеңді, деп хабарлайды Sport Plus Qazaqstan.

Қазақстандық Бақтиер Зайнутдинов «Бешікташтың» негізгі құрамында сол жақ қорғаушы позициясында шықты. Ойыншы бүкіл ойынды өткізіп шықты.

Осылайша, «қырандар» «Трабзонспормен» үшінші орын үшін таласта өздеріне басымдық жасап, енді стамбулдықтарда 39 ұпай, ал Трабзон командасында 37 ұпай бар.

Зайнутдинов үшін бұл Суперлига маусымындағы 20-шы кездесуі болды. Келесі ойынды «Бешікташ» 8 ақпан күні Түркия Кубогының 1/8 финалында «Антальяспорға» қарсы өткізеді.