Велошабандоз Евгений Федоров Олимпиаданы 21-орынмен аяқтады

Франция астанасы Париж қаласында өтіп жатқан Олимпиада ойындарында қазақстандық велошабандоз Евгений Федоров жарысты 21-ші орынмен аяқтады, деп хабарлайды Sport Plus Qazaqstan.

Отандасымыз жекелей сында белгіленген қашықтықты 38:33.98 уақытта жүріп өтті. Нәтижесінде Федоров 21-орыннан көрінді.

Бұл бәсекеде бельгиялық Ремко Эвенепул жеңіске жетті. Екінші орында италиялық Филиппо Ганна, үшінші орында тағы бір бельгиялық Вут ван Арт тұр. 

Естеріңізге сала кетейік, бүгін Олимпиаданың алғашқы күні ел қоржынына 1 алтын, 1 қола медаль түсті.