Ұлттық құраманың Әзірбайжан және Арменияға қарсы ойындарына нақты тізімі белгілі болды

Қазақстан құрамасының маусым айында өтетін матчтарға шақырылған ойыншыларының нақты тізімі анықталды, деп хабарлайды Sport Plus Qazaqstan.

Қорытынды тізімге 27 ойыншы енді.

Қақпашылар: Игорь Шацкий («Шахтер»), Данил Устименко («Қайрат»), Александр Заруцкий («Астана»);

Қорғаушылар: Сергей Малый, Темірлан Ерланов (екеуі де – «Ордабасы»), Александр Марочкин, Ян Вороговский, Марат Быстров (барлығы – «Астана»), Еркін Тапалов, Роман Асранкулов, Руслан Валиуллин (барлығы – «Тобыл»), Әлібек Қасым («Ақтөбе»), Әділхан Добай, («Жетісу»), Александр Зуев («Арсенал Тула», Ресей), Нұралы Әліп («Зенит», Ресей);

Жартылай қорғаушылар: Асхат Тағыберген, Бауыржан Исламхан, Айбол Әбікен (барлығы – «Ордабасы»), Арман Кеңесов, Рамазан Оразов, Максим Самородов (барлығы – «Ақтөбе»), Ислам Чесноков («Тобыл»), Әділет Садыбеков («Қайрат»), Исламбек Қуат («Астана»);

Шабуылшылар: Рамазан Кәрімов, Эльхан Астанов (екеуі де – «Астана»), Абат Айымбетов («Адана Демирспор», Түркия);

Армения – Қазақстан жолдастық матчы 7 маусым күні 21:00-де В.Саркисян атындағы Республикалық стадионда өтеді. Әзербайжанмен өтетін жолдастық ойын 11 маусымға жоспарланған. Матч Мажарстанның Сомбатхей қаласындағы «Халадаш» стадионында Астана уақытымен 19:00-де басталады.