«Торпедо» хоккей клубы Құрлықтық кубокты жеңіспен бастады
Қазақстандық хоккей клубы Ұлыбританияда өтіп жатқан Құрлықтық кубоктың финалдық кезеңіндегі алғашқы матчта жеңіске жетті, деп хабарлайды Sport+ Olympic.kz сайтына сілтеме жасап.
Отандастарымыз алғашқы ойында Дания чемпионы — Хернинг қаласының «Блю Фокс» командасымен кездесті.
Екінші кезеңде қарсылас команда есеп ашқанымен, арада көп ұзамай Андрей Корабейниковтің шәкірттері таразы басын теңестіріп қана қоймай, қатарынан жауапсыз бес шайба соғып, кездесуді 6:2 есебімен өз пайдасына аяқтады.
Топтық кезеңдегі келесі ойында қазақстандық клуб Францияның «Анже Дакс» командасына қарсы мұз айдынына шығады.
