Швентек «Ролан Гарростың» жартылай финалына шықты
Польша теннисшісі Ига Швентек «Ролан Гаррос» 2024 турнирінің жартылай финалына шықты, деп хабарлайды Sport Plus Qazaqstan.
Франция ашық чемпионатының ¼ финалында әлемнің бірінші ракеткасы Швентек чех Маркет Вондроушовамен кездесті. 1 сағат 4 минутқа жалғасқан матч 6:0, 6:2 есебімен аяқталды.
Жартылай финалда Швентек америкалық Кори Гауффпен күш байқасады.
Естеріңізге сала кетсек, 5 маусым күні атақты турнирдің ¼ финалында Елена Рыбакина итальяндық Ясмине Паолинимен (WTA 15) кездеседі.
