Стенд атудан Қазақстан құрамасы әлем кубогына дайындықты бастады

Стенд атудан Қазақстан командасы рейтингілік әлем кубогі кезеңінің қарсаңында оқу-жаттығу жиынын өткізіп жатыр, деп хабарлайды Sport Plus Qazaqstan Olympic.kz сайтына сілтеме жасап. 

Италияның Тоди қаласында өтіп жатқан жаттығу жиыны 18 мамыр мен 10 маусым аралығын қамтиды. 

Аталған жиында спортшылар физиклық төзімділік пен шеберлікті арттыруға жұмыс істеуде. 

Жиынға ұлттық құрама команданың 19 спортшысы қатысып жатыр. 

Содан соң, спортшылар 10-19 маусым аралығында Италияның Лонато қаласында өтетін рейтингілік әлем кубогіне қатысады.