Sport+ Qazaqstan телеарнасы Астанада өтетін Дүниежүзілік көшпенділер ойындарын көрсетеді

Sport Plus Qazaqstan телеарнасы Астанадағы 5 Дүниежүзілік Көшпенділер ойындарының ресми телехабарларының біріне айналды. Арна спорттың бірнеше түрінен жарыстарды көрсетеді, деп хабарлайды Sport Plus Qazaqstan.

Арна өзінің эфирінде ойындардың ашылу және жабылу рәсімдерін көрсетеді.

Сонымен қатар, көрермендер Sport+ эфирінде құраш, мас-рестлинг, асық ату, powerful nomad, ордо, алыш және ашыртмалы аба гүреши сияқты түрлерден жарыстарды көре алады. 

Дүниежүзілік көшпенділер ойындары Астанада 8-13 қыркүйек аралығында өтеді. Аталмыш іс-шараға 80 елден 2000-нан астам спортшы қатысады.