Соня Жиенбаева жасөспірімдер арасында өткен Мысырдағы жарыста финалист атанды

Каир қаласында 18 жасқа дейінгілер арасында ITF Juniors J300 турнирі мәресіне жетті, деп хабарлайды Sport Plus Qazaqstan.

Жасөспірімдер арасында әлемдік рейтингіде 105-орында тұрған қазақстандық Соня Жиенбаева табысты өнер көрсетіп, жекелей және жұптық сында финалға дейін жетті.

С.Жиенбаева жекелей сында соңғы бәсекеде ғана Польша өкілі Моника Станкевичке (27 ITF Juniors) 4:6, 6:1, 4:6 есебімен есе жіберді. Ал жұптық сында тағы бір қазақстандық Асылжан Арыстанбековамен бірге финалда ресейліктер Дарья Егорова – Юлия Перепахинаға жол берді – 3:6, 1:6.

Соня мен Асылжан Мысырда қалады. Олар осы аптада бірінші санаттағы J500 жарысында бақ сынайды.