«Бавария» қатерлі ісікке шалдыққан қақпашысымен келісімшартты ұзартты
«Бавария» әйелдер клубының қақпашысы Мала Грос қатерлі ісікке шалдықты, деп хабарлайды Sport +.
Соған қарамастан клуб онымен келісімшартты ұзартқан. Бұл туралы Мюнхен клубының баспасөз қызметі мәлімдеді.
«Толық тексерістен соң «Бавария» қақпашысы тиісті ем қабылдайды, барлық назарды денсаулығын түзеуге бағыттап, тиісінше белгілі бір уақытта клубта болмайды. Клуб пен қақпашы мерзімінен бұрын келісімшартты созды», - делінген клуб мәліметінде.
Белгілі болғандай, 23 жастағы футболшымен келісімшарт 2026 жылғы 30 маусымға дейін созылған.
Грос «Бавария» сапына 2019 жылы қосылды. Клуб қатарында 2021 жылы алғашқы ойынын өткізіп, содан бері 81 ойынға қатысты. Осы уақыт аралығында үш рет Германия чемпионы атанып, ел Суперкубогын ұтып алды.
