«Шахтер» «Қызылжардың» бұрынғы қорғаушысын қатарына қосты

Қарағандылық «Шахтер» маусымға черногориялық қорғаушы Митар Чуковичті тіркеді, деп хабарлайды Sport Plus Qazaqstan.

29-жасар қапталда өнер көрсететін қорғаушы Митар Чукович қарағандылық «Шахтермен» келісімшартқа қол қойды. Естеріңізге сала кетейік, 2024 жылғы маусымды балқандық легионер петропавлдық «Қызылжар» құрамында бастаған, бірақ Қазақстан чемпионатында бірде-бір матч өткізбей, командадан кетті. Оның петропавлдық ұжымындағы орнын Юрий Бушман басты.

Черногория елінің тумасы Митар Чукович өзінің мансабында бірқатар клубтарда, соның ішінде отанында «Петровац» пен «Ловчен», сондай-ақ Сербияда «Пролетер» мен «Напредрак», Боснияда «Вележ» және Литвада «Паневежис» және «Ритория» клубтарында өнер көрсеткен.