Саят Абдрахманов Рахмоновтың жарақаты туралы: Бұл жарақат Гэрримен айқасқа дейін де болған, бірақ сол жекпе-жекте ушықты
Шавкат Рахмоновтың менеджері Саят Абдрахманов ресейлік Sport24.ru сайтына берген сұхбатында жарақаттың Иэн Гэрримен болған жекпе-жекте асқынып кеткенін айтты. Рахмонов оны толық емдеп, мамырға дейін дайын бола алмас еді, бірақ бұл жарақат оның мансабына кері әсер етпеуі керек, деп хабарлайды Sport+.
Бұл жарақат Гэрримен айқасқа дейін де болған, бірақ сол жекпе-жекте ушықты және әлі толық жазыла қойған жоқ.
Бұл аса ауыр жарақат емес, алайда мамырда жекпе-жекке шығуға мүмкіндік бермейді. Бұл бүкіл мансабына әсер ететін жарақат емес, бірақ уақыт жағынан UFC-ге Канаданың турнирінде тағы бір титулдық айқас қажет болды. Чемпиондар арасынан Белал дайын еді, сондықтан UFC Шавкаттың жағдайын ұзақ уақыт бақылап отырды.
Біз барлық мүмкін нұсқаларды қарастырдық, мамырға дейін дайын болуға тырыстық. Бірақ, өкінішке қарай, Шавкат 100% бабында бола алмас еді, сондықтан жекпе-жектен бас тартуға шешім қабылдады. UFC басшылығы бұған түсіністікпен қарап, «Ештеңе етпейді, қазір басқа біреу төбелеседі, сен бәрібір келесі кезектесің» деді.
Менің ойымша, Шавкатқа титулдық жекпе-жекке дейін тағы бір айқас өткізудің қажеті жоқ. Ол қазірдің өзінде № 1 үміткер. Бұған дейін де чемпиондық белбеу үшін айқасуы керек еді, бірақ сол кезде Белал жарақатына байланысты бас тартты. Бұл жолы жекпе-жекке шыға алмаған Шавкат болды.
Енді бәрі Мухаммад пен Маддаленаның айқасына байланысты. Жеңімпаз қашан дайын болады — соған қараймыз. Егер күзде болса — күзде жекпе-жек өткіземіз. Егер жаздың соңында болса — бұл да тамаша болар еді.
