Садриддин Ахмедовтің келесі жекпе-жегі қашан өтетіні белгілі болды

Бірінші орта салмақтағы қазақстандық боксшы Садриддин Ахмедов (15-0, 13 КО) 19 сәуір күні Коммерсте (Калифорния штаты, АҚШ) шаршы алаңға қайта оралмақ, деп хабарлайды Sport+.

BoxRec.com мәліметі бойынша, жеңіліс дәмін татпаған Ахмедовтың ендігі қарсыласы мексикалық Элиас Эспадас (23-6, 16 КО) болады. 

Соңғы рет Ахмедов 2024 жылдың 13 желтоқсанында Калифорнияда жұдырықтасқан. Ол жетінші раундта америкалық Рафаэль Игбоквені (17-6, 7 КО) нокаутқа жіберген еді.