Риад Марез және компания Чемпиондар лигасында жорығын бастайды. «Әль-Ахли» — «Персеполис» матчын қайда және нешеде көруге болады
Сауд Арабиясының «Әль-Ахли» клубы 2024/2025 жылғы АФК Чемпиондар лигасында ирандық «Персеполиске» қарсы матчпен басталады.
«Әль-Ахли» жазғы трансфер терезесінде Англия құрамасының ойыншысы Айвон Тоуниге 42 миллион еуроға қатарына қосып, шабуыл шебін күшейтті. Командамен қош айтысқан футболшылардың ішінде «Фенербахче» командасымен келісімшартқа отырған Алекс Сен Максименді атап өтуге болады.
Ұжым көшбасшылардың ішінде «Манчестер Ситидің» экс-футболшысы Рияд Марезді, Түркия құрамасының қорғаушысы Мерих Демиралды, «Ливерпульдің» экс-шабуылшысы Роберто Фирминоны, «Романың» экс-футболшысы Рохер Ибаньясты және «Челсидің» бұрынғы қақпашысы Эдуард Мендиді атап өтіге болады.
Маусымды «Әль-Ахли» бітіспес қарсыласы «Аль-Хилялдан» Суперкубок үшін кездесуде жеңіліспен басталды, содан кейін чемпионаттың үш матчында 4 ұпай жинады. Қазіргі уақытта команданың үздік сұрмергені — екі нәтижелі соққымен көзге түскен Роберто Фирмино.
Ирандық «Персеполистің» басты жұлдызы — «Бетис» пен «Вильярреалдың» бұрынғы бапкері Хуан Карлос Гарридо. Футболшылардың ішінен бір кездері Ресей Премьер-лигасында жасындай жарқылдаған Остон Уруновты, Иран құрамасының ойыншылары Али Алипур мен Милад Мұхаммедиді, сондай-ақ ирандық клубтан Грузия құрамасына ЕУРО-да өнер көрсетуге шақырту алған Георгий Гвелисианиді атап өтуге болады.
Иран чемпионатында клуб үш матчта 5 ұпай жинады.
«Әль-Ахли» — «Парсеполис» матчының басталуы 16 қыркүйекте сағат 23:00–де. Тікелей эфирде бұл ойынды Sport Plus Qazaqstan телеарнасынан, сондай-ақ sportplustv.kz сайтынан көруге болады.
