«Қызылжар» жас қақпашымен қош айтысты

Петропавлдық «Қызылжардың» қақпашысы Вадим Петров клуб сапынан кетті, деп хабарлайды Sport Plus Qazaqstan.

Петропавл футболының түлегі командамен еркін агент ретінде қош айтысты. 23-жасар қақпашы клубтың футбол орталығынан бастап «Қызылжардың» негізгі командасына жетіп, барлық кезеңдерден өтті. Бас команданың негізгі құрамы сапында 29 матч өткізді.

- Бірінші кезекте бізді әрдайым қолдап келген жанкүйерлерімізге алғыс айтқым келеді. Мен жеке жағдайға байланысты командадан кетуге мәжбүрмін. Мен басшылыққа, бапкерлер құрамына, қызметкерлерге, футболшыларға рахмет айтамын,- деді жас қақпашы.