Қазбек Сағын Мокаевпен болатын жекпе-жек туралы: Бұл үлкен жекпе-жек болар еді
Қазақстандық жауынгер Қазбек Сағын Мохаммед Мокаевпен мүмкін болатын жекпе-жек туралы сұраққа жауап берді. Мохаммед Мокаев UFC-ден кеткеннен кейін Brave лигасына оралды, деп хабарлайды Sport Plus Qazaqstan:
«Мен үшін бұл үлкен жекпе-жек болар еді, бірақ ол келісе ме? Бұл жақсы идея. Егер 57 келідегі үш жекпе-жегім жақсы өтсе, неге болмасқа? Менің медиа жағы басқа деңгейде болады, менталды түрде де дайын боламын. Сонымен қатар Мокаев сияқты спортшыны жеңу UFC-ге жол ашады».
Айта кетейік, Sport Plus Qazaqstan телеарнасы Brave және NAIZA лигаларының ресми таратушысы болып табылады.
Казбек Сағынның бразилиялық Да Сильвамен жекпе-жегі 22 қыркүйек күні Алматыда өтетін NAIZA 67 турнирінде басты жекпе-жектің бірі болмақ.
