Қазақстандық теннисші жартылай финалға бір қадам қалғанда ұшып кетті

Қазақстандық теннисші Бейбіт Жұқаев Мехикодағы (Мексика) турнирдің жартылай финалына өте алмады, деп хабарлайды Sport Plus Qazaqstan.

Ширек финалдық кездесуде Жұқаев канадалық Алексис Галарноға (ATP № 212) екі сетте жеңілді — 6:7, 4:6. Кездесу екі сағат бес минутқа созылды, осы уақыт ішінде Бейбіт 12 рет эйс жасады, үш рет қосарланған қате жіберді және үш брейкпойнттың біреуін пайдаланды.

Айта кетейік, жартылай финалға шығу жағдайында Бейбіт Жұқаев ATP рейтингінде өз позициясын жақсартып, өзі үшін рекордтық жоғары орынға көтерілуге мүмкіндік алар еді. Қазіргі уақытта қазақстандық спортшы үшін ең жоғары көрсеткіш — 186-шы орын.