Қазақстандық шебер Олимпиада чемпионы Сметовтің суретін қағаздан қиып салды

Қазақстандық шебер Әсел Сабыржанқызы тек қана қағаз бен қайшыны пайдаланып, Олимпиада чемпионы Елдос Сметовтің портретін жасап, өзінің жеке әлеуметтік желісіне жүктеді, деп хабарлайды Sport Plus Qazaqstan.

Видеодағы кадрларға қарасаңыз ол ешқандай басқа құрал-сайман қолына алмай, тек қағаз бен қайшыдан ғана Елдосты бейнелеп берген.

Сондай-ақ, Париж олимпиадасының чемпионын құттықтап, әсерлі жазба жариялап, өзге де спортшыларымызға сәттілік тілеген.

«Қазақстанға Париждегі турнирдің алғашқы алтынын әкелген Елдос Сметовты құттықтаймын!

Барлық спортшыға зор денсаулық пен сәттілік тілеймін! Елдос жол ашып, барлығына үлгі болды.

Мұндай нәтиже үшін қаншама еңбек пен қаншама тер төгілді. Алға Қазақстан!», - деп жазды ол.