Қазақстан қыздар құрамасының қарсыластары анықталды
Ньонда (Швейцария) 17 және 19 жасқа дейінгі қыздар арасындағы Еуропа чемпионатының екінші іріктеу кезеңінің жеребесі тартылды, деп хабарлайды Sport+ Қазақстан футбол федерациясының мәлімет бойынша.
Жеребе қорытындысы бойынша Қазақстан WU-17 құрамасы Солтүстік Ирландия, Эстония және Черногория құрамаларымен бірге «В» Лигасының 1 тобына түсті. Ойындардың өтетін уақыты мен жері кейінірек белгілі болады.
Алты топтың жеңімпаздары мен екінші орынды иеленген үздік команда (төртінші орын алған командалармен болған нәтижелер есепке алынбайды) келесі маусымды А лигасында бастайды.
Қазақстан WU-19 құрамасы «В» Лигасының 3 тобына түсті. Біздің топта Косово, Латвия мен Мальта құрамалары бар. Матчтар 1-7 сәуір күндері Мальтада өтеді.
Алты топтың жеңімпаздары мен екінші орынды иеленген үздік команда (төртінші орын алған командаларға қарсы нәтижелер есепке алынбайды) келесі маусымның бірінші кезеңінде А лигасына көтеріледі.
