«Қазақмыс» Euro Business Cup 2024 турнирінің жартылай финалына шықты

Түркияның Анталья қаласында өтіп жатқан Euro Business Cup шағын футбол турнирінде 28 команда қатысуда, деп хабарлайды Sport Plus Qazaqstan. 

Қазақстандық «Қазақмыс» командасы ширек финалда молдавиялық MAIB командасын пенальти сериясында 3:1 есебімен жеңіп, жартылай финалға жолдама алды. Негізгі уақыт 1:1 есебімен тең аяқталған болатын.

Финалға шығу үшін «Қазақмыс» Әзірбайжанның Azersun клубымен кездеседі. Ойынды тікелей эфирде sportplustv.kz сайтынан көруге болады.