Қатар өзінің жетістігін қайталай алады ма? Иордания - Қатар Азия Кубогының финалын қайдан көруге болады

Қатар құрамасы Азия Кубогының иегерлері мәртебесінде өз алаңдарында өтіп жатқан жарыстың финалына жетті, деп хабарлайды Sport Plus Qazaqstan.

Егер қатарлықтар титулды қорғай алса, онда олар Оңтүстік Корея (1956, 1960), Иран (1968, 1972, 1976), Сауд Арабиясы (1984, 1988) және Жапония (2000, 2004) құрамаларымен бір қатарда болады. Аталмыш құрамалар Кубокты өз алаңдарында өткізіп, жеңіске жеткен.

Француздық «Монпелье» командасының Аль Таммари көш бастаған Иордания құрамасы турнирдің басты сенсациясына айналды.

Иорданиялықтар бірінші турда Малайзияны жеңудің арқасында топтан шығып, үшінші орынға ие болды, бірақ плей-оффта оларды тоқтату мүмкін болмады. Иордания жеңген қарсыластар тізімінде Ирак, Тәжікстан және Оңтүстік Корея құрамалары бар.

Финал елорда уақытымен 21:00-де басталады. Тамаша кездесуді Sport Plus Qazaqstan арнасы мен сайтында тікелей эфирде тамашалауға болады.