«Қайсар» футбол клубы жаңа басшыны тағайындады
Талғат Әбдіғаппарұлы «Қайсар» футбол клубының директоры қызметіне тағайындалды, деп хабарлайды Sport+ қызылордалық клубтың баспасөз-қызметіне сілтеме жасап.
Жаңа директорды таныстыру мақсатында басқарма басшысы Бақтияр Артаев келді. Ол футбол клубының алдында тұрған зор міндетті сабақтап, жаңа басшыға артылар аманат ауқымды екенін жеткізді.
Өз кезегінде Талғат Әбдіғаппарұлы «Қайсардың» жаңа маусымда жақсы нәтижеге жетуге атсалысатынын айтып, команда жауапкершілігі ортақ екенін білдірді.
Айта кетейік, Талғат Әбдіғаппарұлы 1984 жылы 29 тамызда Қызылорда қаласында дүниеге келген. Қазақстан халықтар достығы инженерлік-педогогикалық университетін дене шынықтыру және спорт мамандығы бойынша білім алған. «Қайсар» футбол клубына дейін облыстық дене шынықтыру, спорт және туризм басқармасына қарасты түрлі спорт мектептерінде лауазымды қызметтер атқарған.
Посмотреть эту публикацию в Instagram
