Айымбетов Моуриньо командасының қорғанысын сынақтан өткізеді. «Адана Демирспор» — «Фенербахче» матчының тікелей эфирі

«Галатасарайды» қуып жетуге тырысып жатқан «Фенербахче» Суперлиганың басты аутсайдері «Адана Демирспорға» қонаққа барады.

«Адананың» нәтижеге және ең бастысы ақшаға қатысты мәселелері жеткілікті. Қаржылық мәселелердің кесірінен олардан ұпайлар алынды. Бірақ бұл ретте Абат Айымбетов пен оның командасы кез келген қарсыласына бәсекелес бола алады. Соңғы бес матчта «Адана» екі рет жеңіске жетті.

«Фенербахчеге» келетін болсақ, Жозе Моуриньоның командасы жеңіліссіз 5 матчтан тұратын серияда келе жатыр. Оларда 4 жеңіс, 1 тең ойын тіркелді.

Бірінші айналымда командалар Ыстамбулда кездесті. Аталмыш ойында «Фенербахче» Эден Джеко голының арқасында минималды 1:0 есебімен жеңіске жетті.

Кезекті кездесу 19 қаңтарда сағат 21.00-де өтеді. Тікелей эфирде бұл мачты Sport+ Qazaqstan телеарнасынан, сондай-ақ sportplustv.kz сайтынан тамашалауға болады.