«Ордабасы» құрамын африкалық ойыншымен толықтырды
Молдованың «Спартаний Спортул» футбол клубы 24 жастағы ганалық жартылай қорғаушы Рашид Абубакармен қоштасып, ол енді шымкенттік «Ордабасы» сапында өнер көрсететеді, деп хабарлайды Sport+ Moldfootball.com сайтына сілтеме жасап.
Футболшының трансфері қазақстандық клубқа 40 мың еуроға түсті. Бұл қаражат «Спартаний Спортул» клубының ойыншылар алдындағы қарыздарын өтеуге жұмсалатыны айтылды.
Рашид Абубакар молдавалық клубқа 2024 жылдың қыркүйегінде қосылған болатын. Сол уақыт аралығында ол Молдова чемпионаты аясында сегіз матч өткізіп, екі гол соқты. Абубакар негізінен орталық жартылай қорғаушы позициясында ойнайды.
