Неймар «Алтын допқа» үміткер үздіктерді атады
Сауд Арабиясының «Әл-Хилал» клубының шабуылшысы Неймар 2024 жылғы «Алтын допқа» лайық үш ойыншыны атады, деп хабарлайды Sport Plus Qazaqstan.
Неймардың айтуынша, жылдың үздік футболшысы жүлдесін жеңіп алуға фаворит оның отандасы, «Реал Мадридтің» шабуылшысы Винисиус Жуниор.
«Винисиус Джуниор бірінші, Родриго мен Беллингем екінші орынды бөліседі. Мбаппе олармен таласады», - деді Неймар журналист Изабела Пальяримен сұхбатында.
Әлемдік футболдағы ең беделді жүлдені табыстау рәсімі 28 қазанда өтеді.
