Мохаммад Хейбати Нұрбек Қабдрахмановты жекпе-жекке шақырды
Поп-ММА жұлдызы Мохаммад Хейбати жартылай жеңіл салмақтағы NAIZA чемпионы Нұрбек Қабдрахмановты жекпе-жекке шақырды, деп хабарлайды Sport+ Sport_kor парақшасына сілтеме жасай отырып.
«Нұрбек өз белдігін қорғап шығады. Ал, мен 66 келіге түскім келеді. Бір жекпе-жек жеңуім керек, әрі қарай Нұрбекпен шығамын. Оның белдігін алып кетемін. Маған 66 келі ыңғайлы, өзім кішкентаймын», - деді жауынгер.
Қабдрахманов NAIZA 70 турнирінде Николай Киоссеге қарсы 21 желтоқсан күні жекпе-жек өткізеді.
