Ла Лига президенті Испания чемпионатында болған келісілген матч туралы айтты

Ла Лига президенті Хавьер Тебас Испания чемпионатында бірнеше жыл бұрын анықталған келісілген матч туралы айтып берді, деп хабарлайды Sport Plus Qazaqstan.

Бұл оқиға туралы Тебас испандық «Jordi el Salvaj e» подкастының эфирінде бөлісті.

«Көп жыл бұрын Кастельонның оңтүстігіндегі бір клубтың президенті болған. Оның командасы Ла Лигада қалуға қол жеткізді, матчтан кейін ол ойыншылардың киім ауыстыру бөлмесіне кіріп: «Біз матчты сендердің арқаларыңда емес, менің бәрін реттегенімнің арқасында жеңдік» деп айтты», — деді Тебас.

Алайда, Тебас клубтың атауын, маусымды және командаға қандай да бір жаза қолданылғанын нақтыламады.

Географиялық орналасуды ескере отырып, жанкүйерлер Тебастың «Валенсия», «Леванте», «Эльче» немесе «Вильярреал» туралы айтып отырғанын болжады.