Карло Бартолец өзінің ойын стилі және «Астананың» басты мақсаты туралы айтты

«Астана» клубының оң жақ қорғаушысы Карло Бартолец Sport+ арнасындағы «Футбол Плюс» бағдарламасына берген сұхбатында Қазақстанға бейімделуі және жаңа маусымдағы мақсаттары туралы айтты.

— Мен Қазақстанға бейімделіп үлгердім, мұнда 8-9 айдан бері тұрып жатырмын. Өте жақсы сезінемін, лиганы білемін, өз шеберлігімді көрсетіп, командамның жеңісіне үлес қосып жүрмін.  

— Сізді кезінде «Астананың» оң қапталында ойнаған Антонио Рукавиномен салыстырады, бұл туралы не ойлайсың? Ойын стилдерің ұқсас па?  

— Біз жеке таныс емеспіз, бірақ, әрине, оны футболшы ретінде жақсы білемін. Ол өте мықты ойыншы, керемет мансапқа қол жеткізді. Менің стилім агрессивті, командамды мүмкіндігінше көбірек кросстармен және қақпаға соққылармен қолдауға тырысамын.  

— Бір маусымда қанша голдық әрекет жасауға мақсат қойдың?  

— Мен үшін басты міндет — чемпион атану. Осы жерде командамен бірге трофей жеңіп алғым келеді. Ал жеке мақсатым — әр матч сайын күшейіп, командама барынша пайдалы болу.  

Карлоның толық сұхбатын және Қазақстан чемпионатының үшінші турының символикалық құрамасын төмендегі плеер арқылы көре аласыз: