Карина Ибрагимова Испаниядағы халықаралық турнирде жеңіліс тапты
Испанияның Ла-Нусия қаласында Boxam Elite-2024 халықаралық турнирі басталды, деп хабарлайды Sport Plus Qazaqstan.
Байрақты додада Қазақстан әйелдер командасының мүшесі 57 келідегі Карина Ибрагимова жергілікті боксшыдан жеңіліп, жарысты ерте аяқтады.
Турнирді Әйгерім Сатыбаева (48 келі), Жазира Орақбаева (52 келі), Мәдина Нұршаева (70 келі) және Гүлсая Ержан (75 келі) жартылай финалдан бастайды. Демек, бұл боксшылар жарысты бастамай жатып, қола медальға қол жеткізіп тұрғаны анық.
Ал, Аида Әбікеева (63 келі), Фариза Шолтай (81 келі) және Ләззат Күнгейбаева (+81 келі) жекпе-жекті бірден финалдан бастайды. Бұл боксшыларымыздың еншісінде жеңілген жағдайда қазірдің өзінде турнирдің күміс жүлдесі тұр.
