Иштван Бочкай атындағы халықаралық турнир: 3 спортшымыз келесі кезеңге өтті
Венгрияның Дебрецен қаласында бокстан Иштван Бочкай атындағы халықаралық турнир өтуде, деп хабарлайды Sport Plus Qazaqstan.
Доданың алғашқы күнінде 4 қазақстандық боксшы шаршы алаңға шығып, оның үшеуі келесі айналымға өтті.
60 келідегі Бейбарыс Жексен моңғолиялық қарсыласын, 63,5 келідегі Ертуған Зейнуллинов пен 71 келідегі Сабыржан Аққалықов Венгрия боксшыларынан басым түсті.
Өкінішке қарай, 75 келідегі Диас Молжігітов жеңіліске ұшырады.
