Рақымжан Ерденбеков Қазақстан кәсіпқой бокс федерациясының президенті болып сайланды

Алматыда Қазақстан кәсіпқой бокс федерациясының (ҚКБФ) 8-ші есеп беру-сайлау конференциясы өтті, деп хабарлайды Sport Plus Qazaqstan.

Шара барысында федерацияның жаңа президенті болып Рақымжан Ерденбеков сайланды. Бұған дейін федерацияны басқарған Виктор Демьяненко енді президенттің кеңесшісі қызметін атқарады.

Сондай-ақ, Қазақстан кәсіпқой бокс федерациясының вице-президенті қызметіне Сурен Тоноян мен Данияр Жылқыбаев сайланды.

Қазақстан кәсіпқой бокс федерация комиссиясының құрамы да өзгерді. Атқару комитетінің мүшесі Сұлтан Сәтбаев сот комиссиясының төрағасы болды. Заң комиссиясының және атқару комитетінің мүшесі болып Бақытбек Бегалиев сайланды.