Юлия Путинцева Аустралиядағы турнирде алғашқы жеңісіне жетті

Теннистен Қазақстан құрамасының спортшысы Юлия Путинцева Аделаидада (Аустралия) өтіп жатқан WTA 500 санатындағы ірі турнирдің алғашқы кезеңінде жеңіске жетті, деп хабарлайды Sport+ Olympic.kz сайтына сілтеме жасай отырып.

Путинцева алғашқы кездесуін әлемнің 19-шы ракеткасы хорватиялық Донна Векичке қарсы өткізді.

Кездесу екі сетке созылды. Қорытынды есеп – 6:2, 6:3.

Енді қазақстандық теннисшінің келесі қарсыласы Даниэль Коллинз (АҚШ) пен Онс Жабердің (Тунис) арасындағы матчтың жеңімпазы болады.