АҚШ United Cup — 2025 турнирінің жеңімпазы атанды

Америкалық теннисші, әлемнің төртінші ракеткасы Тейлор Фриц United Cup — 2025 турнирінің финалында Польшаның 16-шы ракеткасы Хуберт Хуркачты 6:4, 5:7, 7:6 (7:4) есебімен жеңіп, АҚШ құрамасына чемпиондықты әкелді, деп хабарлайды Sport+.

Матч 2 сағат 19 минутқа созылды. Фриц 13 эйс жасап, екі брейк-пойнттың бірін (50%) пайдаланып, үш қос қателік жіберді. Хуркачтың есебінде 17 эйс, бір брейк-пойнт және бірде-бір қос қателік жоқ

Бұған дейін АҚШ-тың үшінші ракеткасы Кори Гауфф әлемнің екінші ракеткасы Ига Швентекті 6:4, 6:4 есебімен жеңген еді.

Айта кетейік, 2023 жылы да АҚШ United Cup турнирінде жеңіске жеткен болатын. Ол кезде финалда Италияны ұтып, шешуші жеңісті тағы да Тейлор Фриц Маттео Берреттиниді жеңу арқылы әперген еді.