Григорий Бабаян: Ұйымдастырудың, шабуылдағы жақсы әрекеттердің және сәттерді жүзеге асырудың арқасында біз жеңіске жеттік

«Астана» клубының бас бапкері Григорий Бабаян БАӘ-дегі оқу-жаттығу жиыны аясында жергілікті «Арабиан Фальконс» командасына қарсы өткен жолдастық матч (6:1) туралы пікір білдірді, деп хабарлайды Sport+ клубтың баспасөз қызметіне сілтеме жасап.  

— Бүгін екі жолдастық матч жоспарланған. Бір құрам түске дейін ойнады, жігіттердің барлығы дерлік ауыстырусыз, 90 минуттан өткізді. Әрине, бұл кезеңде өте қиын, себебі жүктеме үлкен, шаршау сезіледі, жарылыстық жетіспейді, өткірлік төмен, ал қарсылас жылдам әрі мобильді болды. Бірақ біз ұйымшылдықтың, шабуылдағы жақсы ойынның және сәттерді тиімді пайдаланудың арқасында жеңіске жеттік.  

Әр ойыншы өз ойынын жақсарта түсуі керек. Үзілісте футболшыларға мінез көрсету қажет екенін айттым. Қиын болған кезде тәртіп бұзуға, жүгіруді тоқтатуға болмайды, мұндай ойындарда ең маңыздысы — осы. Жалпы, жақсы спарринг болды, енді «Краснодарға» қарсы ойынға дайындаламыз.