«Галатасарай» стамбулдық дербиде «Фенербахчені» жеңді (видео)

21 қыркүйекте Түркияның Суперлигасының алғашқы екі командасы «Фенербахче» және «Галатасарай» арасында стамбулдық дерби өтті, деп хабарлайды Sport Plus Qazaqstan.

«Галатасарай» 3:1 есебімен өте маңызды жеңіске жетті. «Фенербахче» құрамында Эдин Джеко голмен көзге түсті. Ал «Галатасарай» сапында голдарды Дрис Мертенс және Габриэль Сара соқты, хаттамадағы тағы бір доп Доминик Ливаковичтің автоголы ретінде жазылады.

Осы жеңістің арқасында «Галатасарай» 6 матчта 18 ұпаймен кестеде бірінші орында келе жатыр.

22 қыркүйекте Sport Plus Qazaqstan эфирінде Түркия Суперлигасының «Ризеспор»-«Самсунспор» және «Бешикташ»-«Эюпспор» екі матчын көрсетеді.