«Галатасарай» құлдырауда ма? «Карагюмрюк» — «Галатасарай» матчының тікелей эфирі

Түркияның қазіргі чемпионы «Галатасарай» Суперлигада ұзақ уақыт бойы айқын басымдықпен көш бастап келді, алайда 2026 жыл олар үшін сәтсіз басталды.

Ыстамбұлдықтар Суперкубокта «Фенербахчеден» жеңіліп, өз алаңында «Газиантеппен» 1:1 есебімен тең ойнады. Жалпы алғанда, соңғы 4 матчта небәрі бір ғана жеңіске жетті — ол да Түркия Кубогында екінші дивизион өкілі «Фетхиеспорға» қарсы болды.

Бұл не — ойынның құлдырауы ма, әлде уақытша сәтсіздік пе?

Бұл сұраққа жауапты Суперлиганың аутсайдері «Карагюмрюкпен» өтетін сырт алаңдағы матч береді. Қазір бұл команда 18 матчта бар болғаны 9 ұпай жинаған. Жағдайды жақсарту үшін клуб «Фенербахченің» жартылай қорғаушысы Бартуг Элмазды жалға алды.

Ал «Галатасарай» да трансферлік қадам жасап, маусым соңына дейін «Наполиден» Ноа Лангты жалға алды.

«Карагюмрюк» — «Галатасарай» матчы 24 қаңтарда сағат 22:00–де өтеді. Тікелей трансляция Sport+ телеарнасында және sportplustv.kz сайтында қолжетімді болады.