«Галатасарай» дағдарысқа ұшырады ма? «Аланьяспор» – «Галатасарай» матчы тікелей эфирде

Түркия Суперлигасының көшбасшысы «Галатасарай» ішкі аренада әлі жеңіліс таппағанымен, Бурук командасы соңғы төрт матчта жеңіске жете алмады.  

Мұны «Фенербахче» тиімді пайдаланып, көшбасшымен арақашықтықты 4 ұпайға дейін қысқартты.  

Алда стамбұлдықтарды «Аланьяспормен» маңызды кездесу күтіп тұр. Бұл командаға да ұпай өте қажет, өйткені олар түсіп қалу аймағынан небәрі 4 ұпайға алыс. Оның үстіне, «Аланьяспор» өз алаңында өте сенімді ойнайды – соңғы 10 үй матчында 9 жеңіс және тек бір ғана жеңіліс (ол да «Фенербахчеден»).  

Бірінші айналымда «Галатасарай» Юнус Акгүннің голының арқасында жеңіске жеткен болатын.  

Жаңа кездесу 9 наурыз күні сағат 22:30-да басталады. Ойынды тікелей эфирде Sport+ телеарнасынан, сондай-ақ sportplustv.kz сайтынан көруге болады.