Елена Рыбакина «Билли Джин Кинг Кубогында» ойнайтын Қазақстан құрамасының сапына қосылмаған
Елена Рыбакина «Билли Джин Кинг Кубогының» плей-офф кезеңі аясында өтетін Қазақстан-Оңтүстік Корея матчына қатыспайды, деп хабарлайды Sport+.
Рыбакинаның неге қатыспайтыны әзірше белгісіз. Жарыстың ресми сайтында Қазақстан құрамасының тізімінде Юлия Путинцева, Жібек Құламбаева, Анна Данилина және Зарина Дияс көрсетілген.
Кореялық теннисшілермен ойын 16–17 қараша күндері Астанадағы Ұлттық теннис орталығында өтеді.
