Дмитрий Попко жеңіліссіз сериясын жалғастыруда

Қазақстандық теннисші Дмитрий Попко Нейплс қаласында өтіп жатқан ITF сериялы турнирдің ширек финалына шығып, қатарынан 12-ші жеңіске жетті, деп хабарлайды Sport Plus Qazaqstan.

1/8 финалда қазақстандықтың қарсыласы корт иесі – Трей Хильдебранд болды. Матч Попконың 6:4, 6:4 есебімен екі сетте жеңісімен аяқталды. 

Келесі айналымда Дмитрий румын Габи Бойтанмен кездеседі.