Дмитрий Попко Португалиядағы турнирдің жұптық сынында сүрінді
Португалияның Оэйраш қаласында АТР Челленджер сериясындағы турнирде Дмитрий Попко жұптық сындағы алғашқы айналымда жеңіліс тапты, деп хабарлайды Sport+
Раду Алботомен (Молдова) бірге Попко Василий Кирков (АҚШ) / Барт Стивенс (Нидерланд) дуэтіне 4:6, 3:6 есебімен жол берді.
Енді Попко жеке сында жарыс жолын жалғастырады. Ол тағы бір отандасымыз Бейбіт Жұқаевпен күш байқасады. Ал Денис Евсеев ширек финалға шығу үшін Валентин Ройерді (209 АТР) жеңу үшін барын салмақ.
